Հայտնաբերվել է թոքախտի բուժման նոր տարբերակ

Հակաթոքախտային դեղամիջոցի ստեղծման վրա աշխատող Նյու Յորքի Ալբերտ Էնշտեյնի անվան քոլեջի բժիշկների խումբը գիտական հայտնագործություն է արել: Բակտերիաներով լաբորատոր փորձանյութի մեջ վիտամին C ավելացնելուց հետո նրանք պարզել են, որ «Կոխի բացիլները» ոչնչանում են:

Հետագա հետազոտությունները ցույց են տվել, որ վիտամինները պատճառ են դառնում ակտիվ թթվածնի արտադրության քիմիական ռեակցիայի առաջացմանը, որն էլ հենց սպանում է բացիլներին:

Գիտնականները հույս ունեն, որ իրենց հայտնագործությունը թույլ կտա վիտամին C-ի բարձր պարունակությամբ հատուկ դիետա, ինչպես նաև դեղորայք մշակել, որոնք ակտիվ թթվածնի առաջացման ռեակցիա կառաջացնեն:

Հիշեցնենք, որ այժմ թոքախտի որոշ տեսակներ բուժելիս, հաճախ ստիպված են լինում հեռացնելվնասված թոքը:

Հարցեր, պատասխաններ, մեկնաբանություններ